يارجالة حرام عليكوا خافوا ربنا

معظم
الرجاله وليس كلهم ..بأكد أنه ليس كلهم لأن فى رجاله محترمه نسيوا الأخلاق
الشرقيه والشهامه والجداعنه ..و أعظم مثال على كلامى ..أنا لو سيده أو
فتاه أو اى أنثى تركب السردين " الأتوبيس" محجبه أو غير محجبه ..يبحلق
فيها الرجاله,,ويا سلام لو الدنيا زحمه بدل ما الرجل يوسع عشان ما يخبطش
فيها ..لأ هوده يصح بردوه بالعكس واقف جنبها و متضيقها و يسلام لو البنت
فتحت فمها يرد و يقول اه يا أبله هو انا جيت جنبك .. والمنظر اللى جننى
واحده واقفه مع جوزها ومعها بنتها والراجل واقف عمال يبص على زوجه الراجل..

أنا كا فتاه بخاف أمشى فى الشارع لوحدى سواء الصبح أو باليل و بخاف اركب وسيله مواصلات لوحدى

والله
نفسى يعملو وسيله مواصلات للسيدات بس أو أضعف الأيمان يركبوا الناس على أد
الكراسى مش يبقى الأتوبيس مليان والممر مليان والسواق يقول : انتم يابشوات
يلى فى الطريق أدخلو شويه ..يدخلوا فين ده لو دخلو شويه هيطلعوا من
الناحيه التانيه وتخيلوا بقى لو بنت واقفه فى الزحمه دى هتبقى عامله ازاى

واللى ينرفز ويحرق الدم تبقى شباب قعده ما فيش واحد يقوم ويقعد بنت..

نفسى اقول يارجاله حرام عليكوا لو كل راجل اعتبر البنت اللى فى الشارع اخته .. امه..بنته مش هيعمل كده ..ياويلكم من ربنا

يا خسارة يارجالة مصر ..وعجبى

_________________